الأسئلة الشائعة – (FAQ)
1) مدة التوصيل قد إيه؟
التوصيل بيكون من 2 إلى 7 أيام عمل حسب المحافظة،
وبيتم تجهيز الطلب خلال 24–48 ساعة بعد تأكيده معاك.
2) هل ممكن الطلب يوصل في أكتر من مرة؟
أيوه، ده وارد يحصل لو المنتجات بتتجهز من مراكز مختلفة،
ساعتها جزء ممكن يوصل قبل التاني—وده طبيعي لتسريع التوصيل وبنعرفك ده عشان نكون واضحين معاك دايما .
3) هل في رسوم شحن إضافية لو الطلب اتقسم؟
تكلفة الشحن بتظهر عند إتمام الطلب على الموقع .
وفي حالات نادرة جدًا—لو الطلب اتقسم لشحنتين بسبب التوريد—
قد يكون فيه تكلفة شحن إضافية،
وإحنا بنتواصل معاك قبل تنفيذ أي خطوة.
4) هل ينفع أدفع عند الاستلام؟
أكيد… الدفع عند الاستلام متاح لكل المحافظات اللي بنوصل لها.
5) هل هتوفروا الدفع أونلاين؟
أيوه، الدفع الأونلاين موجود وهيتم تفعيله رسميًا مع إطلاق براند Horus قريبًا،
وبعده هتلاقوا كل وسائل الدفع الإلكترونية متاحة على الموقع.
6) هل في تقسيط؟
شغالين حاليًا على إضافة خدمة التقسيط بالتعاون مع شركات وبنوك معتمدة،
وهيتم الإعلان عنها فور تفعيلها.
7) إزاي أعمل استرجاع أو استبدال؟
تقدر تطلب استرجاع أو استبدال خلال 14 يوم من الاستلام لو:
- المنتج فيه عيب
- مخالف للوصف
- المقاس غير مناسب
وفريق خدمة العملاء هيساعدك بكل اللى يقدر عليه .
8) هل الاسترجاع مجاني؟
- لو فيه عيب تصنيع: الاسترجاع مجاني
- لو الاسترجاع بدون سبب: يتم خصم تكلفة الشحن فقط
- في حالة الاستبدال: العميل يتحمل شحن الاستبدال (لو مطلوب)
9) هل الأجهزة الإلكترونية ليها ضمان؟
أيوه، أي منتج إلكتروني بيتباع عندنا بيكون معاه فاتورة + ضمان معتمد.
ومدة وشروط الضمان بتظهر في صفحة المنتج او بيتم توضيحها في الفاتورة اللى هتكون مع المنتج.
10) ماذا يحدث لو ما استلمتش مكالمة المندوب؟
المندوب بيحاول يتواصل أكتر من مرة.
ولو الاتصال مش متاح، بنبعت رسالة أو واتساب لتحديد موعد جديد.
وفي حالات عدم الرد، الطلب بيتعلّق مؤقتًا لحد ما نتواصل معاك.
ـــــــــــــــــــــــــــــــــــــــــــــــــــــــــــــــــــــــــــــــــــــــ
🧩 قسم خاص للتجّار وبائعي الجملة
1) هل ينفع كتاجر أضيف منتجاتي على متجر حورس؟
أيوه، بنرحّب بالتجار.
لكن لازم يكون فيه تواصل أولًا مع فريق الدعم لمراجعة نشاطك التجاري
والتأكد من توفر البيانات المطلوبة قبل نشر المنتجات.
2) إيه الشروط المطلوبة علشان أنضم كتاجر؟
بنحتاج:
- بيانات أو سجل النشاط التجاري
- صور واضحة و فيديوهات لعينات المنتجات ولو معندكش احنا نقدر نقدملك الخدمة دى
- تفاصيل التسعير وتوفر الكميات بكل دقة و تحديث مستمر لأى متغيرات
- سياسة استرجاع مناسبة و اتفاق واضح للشحن ولو مش متعاقد مع شركات شحن احنا بنقدر نعمل ده مع التحصيل
3) هل في عمولة أو مصاريف للتجار؟
العمولة أو رسوم النشر بتتحدد حسب نوع المنتجات، حجم التوريد، وطبيعة التعاون.
وبيتم الاتفاق عليها بشكل مباشر بعد مراجعة النشاط التجاري و سياسة الالتزام.